Pura Brasa jatetxeak irabazi du 2021eko Parrilla Lehiaketa Nazionala
Manu Yebras parrillaren agintean duela, Pura Brasa jatetxeak (Bartzelona) irabazi du Parrilla Lehiaketa Nazionala, Beef on Food haragiarekin.
Bigarren aldia da, hamabi ediziotan, irabazlea euskalduna ez dela. 2016an Lomo Altok irabazi zuen, Kataluniako hiriburuko beste jatetxe batek.
XII. Parrilla Lehiaketa Nazionala Kursaalera itzuli da aurten, 2020ko edizio bereziaren ostean; orduan Hika Upeltegian (Villabona, Gipuzkoa) egin baitzen, pandemiaren baldintzek behartuta.
Parrilla Lehiaketa Nazionalaren 12. edizioak, San Sebastian Gastronomika – Euskadi Basque Countryren lehiaketa zaharrena denak, aurtengo irabazleak iragarri ditu. Bartzelonako Pura Brasa jatetxeak, Manu Yebras parrilla arduradunaren jardunarekin, nagusitza lortu du Beef on Food haragia erabiliz; haragia lehiaketako haragiki onen gisa aitortu dute. Hori horrela, Pura Brasak Narru jatetxearen (Donostia) lekukoa hartu du, eta Beef on Foodek Guikarrena; horiek izan baitziren 2020ko lehiaketako irabazleak.
XII. Parrilla Lehiaketa Nazionala asteazken honetan egin da, Kursaleko terrazan, bertara itzuli baita iazko edizioa Villabonako (Gipuzkoa) Hika Upeltegian egin ostean. Bertan, Kantauri itsasoaren ondoan, zortzi Josper parrilla antolatu dira goizeko lehen ordutik. Bertan, zortzi finalistek lan egin dute, Pedro Subijana, Martin Berasategi, José Carlos Capel, Carlos Maribona, Amaya Ortuzar, Juan Atanasio Carrasco Gómez, Juanjo Arratibel, Nerea Ugarte edo Julia Pérez, izen handiko pertsonek osatutako epaimahaia asetzeko.
David de Jorge sukaldari eta showmanak aurkeztu du jardunaldia. Suaren baldintzarik gabeko zaleak lehiaketa girotu du eta epaimahaia zuzendu du, “munduko ogibiderik gogorrenetako baten” lana epai zezan. Haragiaren kalitatea, txuletaren egoste-puntua, testura eta zaporea aztertu ondoren, epaimahaiak erabaki du Pura Brasak irabazi duela titulua.
Bartzelonako lokala Estatuko hainbat tokitatik etorritako zazpi aurkariri gailendu zaie. Honako hauek ziren: Makatzeta Erretegia (Arrazola, Bizkaia), Makroko haragiarekin; Aldanondo Jatetxea (Donostia), Goyarekin; Saizar Sagardotegia (Usurbil, Gipuzkoa), Discarluxekin; Cocotte (Iruñea), Nafarroako Ostalaritzako Kooperatibaren haragiarekin; Iturrama Erretegia (Iruñea), Tamaco haragiarekin; Essentia (Tarancón, Cuenca), El Encinar de Humientarekin, eta Casa Azofra Erretegia (Burgos), Artecarnerekin.
Bigarren aldia da hamabi urtean titulua Euskaditik ateratzen dela. 2006an Bartzelonako beste lokal batek eskuratu zuen: Lomo Altok.
Zerikusia duten albisteak
.jpg)
Gastronomikak sektoreak pandemiaren ostean bultzada handia izan duela baieztatu du, bertaratze handia eta ilusio handia ikusita
Frantziako sukaldaritzak ilusioz hartu du berriz elkartzea eta besoak ireki ditu elkarrekin aurrera egiten saiatzeko. Azken jardunaldian, Joan Rocak El Celler de Can Rocaren hastapenetan eragin handiena izan zuten maisu frantsesez hitz egin du. ”Batez ere, Troisgrostarrek, haiek ere anaiak zirelako”.
.jpg)
Joan Roca inspiratu zuten jenio frantsesak
Botica de Matapozuelos da Espainiako garbantzu platerik onenaren etxea
Donostiako Txepetxa tabernak jaso du 2021eko Keler Bar de Bares izeneko saria
Beatriz González: “Frantsesei takoak eginda ematen dizkiegu”
Paco Morales: “Espainiako goi mailako sukaldaritzak ez du behea jo.”
Amandine Chaignot: “Ez diegu haragiari edo arrainari uko egiten, baina osagarri gisa erabiltzen ditugu”
.jpg)
Aitor Arregi: "Nabigatu, ez dakit non nabigatuko dugun, baina itsasontziak beti izango du aingura bat etxean".
Basque Culinary Centerrek bere 10. urtemuga ospatu du Gastronomikan
“Frantziak gure ama izaten jarraitzen du”
Eragin gastronomiko galiarrak markatu zuen San Sebastian Gastronomika – Euskadi Basque Countryren bigarren jardunaldia, eta Jesús Sánchez, Pedro Subijana, Jordi Butrón edo Frédéric Bauk parte hartu zuten. Bihar, Gastronomikak amaiera emango dio XXIII. edizioari, eta, besteak beste, Joan Rocak edo Virgilio Martínezek parte hartuko dute.
