Pepe Sollaren jatetxearentzat (Casa Solla*, Poio, Pontevedra) izan da astelehen honetan Tenerifeko fruta tropikalekin egindako postreen lehiaketa nazionalaren lehen edizioa. Uharteko Kabildoak sustatu du lehiaketa hau eta finalera geografia espainiar osoko sei lokal iritsi dira. 

Pepe Solla chefaren Casa Solla* (Poio, Pontevedra) jatetxeko José Bertolo Fernándezek irabazi du Tenerifeko fruta tropikalekin egindako postreen lehiaketa. Aurten, lehiaketa honen lehen edizioa izan da. Tenerifeko fruta tropikaletako bat gutxienez (platanoa, papaia, ahuakatea, manga, mangoa, anana tropikala, marakuia...) izan behar zuten postreak egin ondoren, finalistek epaimahaiak probatu arte itxaron dute. Josean Martin Alija, Tana Collados, Erlantz Gorostiza, Alberto Luchini, Pilar Salas eta Lourdes Plana kazetari eta sukaldariek osatu dute epaimahai hori, eta azken hori lehendakaria izan da.

Eztabaidatu ostean, saria Casa Sollaren "Azalak eta gofioak" postrearentzat izan da. Gainerako proposamenei, Mediterráneo Culinary Centerrek (Valentzia), Donairek (Costa Adeje, Tenerife), El Cenador de Amósek*** (Villaverde de Pontones, Kantabria), La Boscanak* (Bellvís, Lleida) eta Fierrok (Valentzia) egindakoei, irabazi die postre horrek.