San Sebastian Gastronomika-Euskadi Basque Country sukaldaritzaren inguruko zuzeneko ponentzien eta erakustaldien kongresua da, baina ez ditu sariak ahazten. Omenezko Sariaz eta Urrezko Gueridon sariaz gain, 2012az geroztik, gastronomiaren arloko kazetaritza-alderdirik onena nabarmentzen duen saria ere ematen du kongresuak. 

Pau Albornà i Torras Kazetaritza Gastronomikoko Saria da hori, 2012an hil zen kazetari gaztearen omenez. Antolatzaileek aukeratutako sukaldariz, kazetariz eta gastronomoz osatutako epaimahaiak aukeratzen du irabazlea. Edizio honetan, Julie Andreu frantziar kazetariak jasoko du.