Chele Gonzalez ospetsua da goi-mailako gastronomia Filipinetako uhartedira eramateagatik; bere lorpena izan da tokiko sukaldaritzaren artean tokiko produktuen eta europar tekniken bitartez berrinterpretatzea.  Bere sukaldaritza berritzailearekin –antropologikotzat definitzen du berak, plater bakoitzaren atzean istorio bat dagoelako–, Chele Gonzalezek benetako iraultza lortu du: Gallery by Chele jatetxearekin, Asiako 50 jatetxerik onenen artean espainiar bakarra izatea.

Torrelavegakoa da jaiotzez Jose Luis “Chele” Gonzalez, eta txikitatik du sukaldaritzarekiko zaletasuna. Bilboko Ostalaritzako Goi-mailako Eskolan Sukaldaritzako Zientzietan lizentziatu ondoren, Espainiako jatetxerik onenetako batzuetan lan egin zuen, hala nola Arzak, elBulli, El Celler de Can Roca, Nerua eta Mugaritz jatetxeetan, non benetan garatu baitzuen bere sukaldaritzako filosofia. 2011n, Filipinetara joan zen Manilako Sofitel Philippine Plaza hoteleko Fever jatetxeko chef izateko, europar sukaldaritzako platerak eskainiz.

Dagoeneko Filipinetan bizitzen jarrita zegoela, 2013an bakarkako ibilbideari ekitera ausartu zen Vask jatetxearekin, eta hilabete batzuk beranduago Gallery Vask jatetxearekin, non bere gastronomia pertsonala askatu zuen, goi-mailako sukaldaritza mapa gastronomikotik kanpo zegoen herrialde batera eramaten zuen profesionala bihurtuz. 2018az geroztik, Gallery by Chele izena hartu zuen Gallery Vask-ek.